David Koma Creative Director at Tierry Mugler

DavidKoma1

ყველამ ძალიან კარგად ვიცით, ინგლისში მოღვაწე, ქართველი დიზაინერის, დევიდ კომას (David Koma) შესახებ და მის წარმატებულ კარიერაზე, რომლის სამოსით უამრავი ვარსკვლავი იწონებს თავს, მათ შორის ბიონსე, კაილი მინოუგი და სხვა.

DavidKoma2

Continue reading

Share on FacebookTweet about this on TwitterShare on Google+Pin on PinterestEmail this to someone

Butoh – Dance of Darkness

ბუტო, არის ავანტ-გარდული ცეკვა, ტრადიციულად თეთრი გრიმით, ჰიპერშენელებული მოძრაობებით, აუდიტორიის წინაშე ან მის გარეშე, ხშირ შემთხვევაში გამოხატავს პროტესტს ტაბუდადებულ თემებზე. წარმოდგენა კომბინირებულია ცეკვის, თეატრის, იმპროვიზაციის და იაპონური კულტურის ელემენტებით. პირველად წარმოდგენა იაპონიაში 1959 წელს გაიმართა, ტაცუმი ჰიჯიკატას და მის პარტნიორ კაზუო ონოს მიერ. (Tatsumi Hijikata (1928 -1986), Kazuo Ohno (b. 1906).)

Butoh is a contemporary avant-garde dance form which originated in Japan and which was first performed there in 1959. It combines dance, theater, improvisation and influences of Japanese traditional performing arts. It typically involves playful and grotesque imagery, taboo topics, extreme or absurd environments, and is traditionally performed in white body makeup with slow hyper-controlled motion, with or without an audience.

 

Continue reading

Share on FacebookTweet about this on TwitterShare on Google+Pin on PinterestEmail this to someone

1 Year Later

იყო და არა იყო რა, იყო ერთი გოგო რომელსაც ვერაფრით ეპოვა საკუთარი თავი, უამრავი რამე აინტერესებდა და უამრავი რამე მოსწონდა, საბოლოოდ კი ყველაფერი ბეზრდებოდა… ამ ყველაფერს კი საშინელ ხასიათებამდე მიყავდა. მაშინ ყველაფერი რთულად ეჩვენებოდა, ყველაფერი შეუძლებელი ეგონა და მხოლოდ საკუთარ ოცნებებში დაქროდა და საკუთარ ფიქრებს, სურვილებს თუ ამბებს თავისთვის ინახავდა გონების ერთ ბნელ კუთხეში.

ასე გრძელდებოდა, სანამ არ გამოჩნდა ადამიანი, რომელმაც ყველაფერზე აზრი შეაცვლევინა… და რომელმაც შესთავაზა გოგოს ეს ყველაფერი გაეზიარებინა სხვებისთვის…

ასე  დაიბადა fefe.ge რომელიც პატარა ბავშვივით იზრდება და ვითარდება, რომელლიც უფრო მეტად მიყვარდება. საიდანაც სხვებს ვაცნობ საკუთარ თავს და არა მარტო სხვებს, თვითონ შევიცნობ საკუთარ თავს. თითქოს მოკე დროში, სულ ერთ წელიწადში, უამრავი რამე შეიცვალა, და უამრავი რამე დაიტია ბლოგმა, რომელიც წარუშლელი დარჩება.

ამ დროის განმავლობაში, ვიყავი უმუშევარი…  ვიპოვე სამსახური, სადაც ყველაფერი საყარელი გავაერთიანე, ფოტოგრაფია, მოდური ტრენდები, ტანსაცმელი…სამსახურის, River Island-ის მეშვეობით კი გავემგზავრე ლონდონში, მსოფლიოს ერთ-ერთ მოდურ წყაროს სათავეში, მოდის ინდუსტრია დუღს, სადაც არქიტექტურა თვალს იტაცებს და სადაც უამრავი ადამიანი გიღიმის. გავბერე ჩემი გადერობი :D ბევრი, ძალიან კარგი ადამიანი გავიცანი და რაც მთავარია, მივხვდი, რომ ადამიანი მარტო ვერაფერს გაუმკლავდება, თუ გვერდით ისეთები არ ჰყავს, ვინც მის ყველანაირ მდგომარეობას იზიარებს. ერთი წლით არა მარტო ჩემი ბლოგი გაიზარდა და შეივსო პოსტებით, მეც მასთან ერთად ერთი წელი მომემატა და მივხვდი, რომ თუ ძალიან მოინდომე, ყველაფერი 100% შესრულებადია!!

ყველას გისურვებთ სურვილების შესრულებას, ბევრ ღიმილს, ნუ დაინანებთ ამ შესანიშნავ შესაძლებლობას ხშირად გაიღიმოთ, გიხაროდეთ სხვების სიხარული და მიისწრაფოდეთ საკუთარი სიხარულის შექმნისაკენ, მუდამ იყოლიეთ გარშემო გულშემატკივრები, რომლებიც ძალას შეგმატებენ!!

გკოცნით ყველას, ირინკა, ბლოგის ავტორი და თქვენი კეთილისმსურველი.

Photosession special for fefe.ge 1 year anniversary.

Photo: Nata Abashidze-Romanovskaya.

Outfit – total River Island. 

 

Share on FacebookTweet about this on TwitterShare on Google+Pin on PinterestEmail this to someone

Three Anna

ვაპირებ მოგიყვეთ სამ ადამიანზე, რომლებიც დიდ როლს თამაშობენ მოდის სამყაროში, რომელთა აზრს უამრავი ადამიანი და თვით წამყვანი დიზაინერები იზიარებენ, რომელნიც შეყვარებულნი არიან საკუთარ საქმეზე…

სამი ანა…

ანა დელო რუსო(Anna Dello Russo), იაპონური ვოგის რედაქტორი. ანა დაიბადა ბარიში, იტალიის ერთ-ერთ ქალაქში და შემდგომ საცხოვრებლად მილანში გადავიდა.

საკუთარ თავს აღწერს, როგორც ვნებიანი ფეშიონისტა, ხოლო ცნობილმა ფოტოგრაფმა, ჰელმუტ ნიუტონმა მას მოდის მანიაკი შეარქვა. ანა ხშირად ჩანს მოდურ და ძალიან ცნიბილ ქუჩის მოდის ბლოგებზე როგორიცაა The Sartorialist და Jak and Jil. ანას ფეხსაცმლის კოლექცია 4000-ს აჭარბებს.

10 წლის აღსანშნავად ერთ-ერთმა ინტერნეტმაღაზიამ – yoox.com, გამოუშვა მაისურები 10 განსხვავებული პრინტით, მათზე ანას 10 სხვადასხვა აუთფიტი იყო გამოსახული. მაისურები, პირველივე დღეს იქნა გაყიდული.

2010 წლის ნოემბერში, მან გამოუშვა სუნამო სახელწოდებით  Beyond, მის ქილას კი ფეხსაცმლის ფორმა ჰქონდა.

   

ანა პიაჯი(Anna  Piaggi) მუშაობდა იტალიურ საგამომცემლო კომპანია Mondadori-ში, შემდეგ წერდა მოდური ჟურნალებისათვის, როგორიცაა იტალიური Vogue, და 1980იან წლებში ავანტგარდულ ჟურნალ Vanity-სათვის. იგი იტალიურ Vogue-ში, განსაკუთრებულად იყო ორ გვერდიანი სტატიებით ცნობილი, სადაც მას მხატვრულ ალღოს სრული თავისუფლება ჰქონდა მიცემული, სტატიებს დამონტაჟებული ფოტოებით აფორმებდა, რაშიც მას ლუკა სტოპინი ( Luca Stoppini) ეხმარებოდა.

პიაჯის საოცრად დიდი ტანსაცმლის კოლექცია აქვს, რომელიც შედგება 2865 კაბის და 265 წყვილი ფეხსაცმლისაგან, 2006 წლის გამოფენაზე დაყრდნობით, რომელიც ლონდონში,  Victoria and Albert Museum-ში გაიმართა.(ბუნებრივია, ეს რიცხვი კიდევ უფრო გაიზრდებოდა) იგი იცვამს არაორდინალურად, ნათელი ფერებით და უნიკალური, მხოლოდ მისთვის დამახასიათებელი სტილით, არასოდეს ჩნდება პუბლიკის წინაშე ერთი და იგივე სამოსით. მანოლო ბლანიკმა (Manolo Blahnik), მას “მსოფლიის უკანასკნელ კაბის ავტორიტეტად უწოდა”

პიაჯის მეგობრებად მოდის სამყაროში ითვლება კარლ ლაგერფილდი(Karl Lagerfeld, 1970-იანებიდან), რომელიც ხშირად ხატავდა მას, მანოლო ბლანიკს (Manolo Blahnik) კი არაერთხელ შეუქმნია ფეხსაცმლის დიზაინი ანასთვის. იგი სტეფან ჯოუნსის (Stephen Jones) მუზაცაა. ანას ძალიან უყვარს ბრიტანელი დიზაინერი ვივიენ ვესტვუდი (Vivienne Westwood) და მისი ქუდები, პრუდენს მილინერის(Prudence Mikllinery) მიერ შექმნილი. ანა იშვიათად ჩნდება გადაჭრილი ხელთათმანის გარეშე, ძირითადად ბრიტანული ბრენდის Glovedup Gloves (www.Glovedup.com). ცხოვრობს ნიუ იორკში და 50იანი წლების შემდეგ პერიოდულად სტუმრობს ლონდონსა და იტალიას.
1962 წელს პიაჯი ცოლად გაჰყვა ფოტოგრაფერ ალფა კაცტალდის (Alfa Castaldi). კასტალდი 1995 წელს გარდაიცვალა.
   

ანა ვინტური (Anna Wintour), ბრიტანეთში დაბადებული, ამერიკული ვოგის მთავარი რედაქტორი, რომელიც ამ პოზიციას 1988 წლიდან იკავებს. მის სავიზიტო ბარათად pageboy bob თმის ვარცხნილობა და შავი მზის სათვაე იქცა. ვინტურმა სახელი მოდური ტენდენციების მიმართ გამჭრიახი თვალით და ახალგაზრდა დიზაინნერების მხარდაჭერით გაითქვა.

ის  ჩარლზ ვინტურის (Charles Wintour) უფროსი შვილია, ლონდონის Evening Standart- ის რედაქტორის. ანა მოდით თინეიჯერობისას დაინტერესდა. მამა ასწავლიდა როგორ გაეკეთებინა გაზეთი. მისი კარიერა მოდის ჟურნალისტიკაში ორი ბრიტანული ჟურნალით დაიწყო. მოგვიანებით იგი გადავიდა შეერთებულ შტატებში,  მოხვდა New York-ში და Houce & Garden-ში. შემდგომ ერთი წლით დაბრუნდა ბრიტანეთში, რათა ემუშავა ბრიტანულ  Vogue-ში, რის შემდეგადაც საკუთარ თავზე აიღო ამერიკული Vogue-ს რედაქტორობა, დაიწყო მისი აღორძინება, რასაც ბევრი, ჟურნალის სტაგნაციად მიიჩნევდა. ჟურნალის გამოყენება მოდის ტენდენციის ფორმირებისათვის დებატებს იწვევდა. ცხოველთა დამცველები თავს ესხმოდნენ ბეწვის პროპაგანდისათვის.. სხვანი კი ადანაშაულებდნენ ჟურნალში გამოყენებული ელიტური და ქალური სტილის კარნახში.

ყოფილმა, პირადმა დამხმარე, ლორენ ვეისბერგერმა (Lauren Waisberger), დაწერა რომანი, რომელიც ბესთსელერი გახდა – “ეშმაკი ატარებს პრადას” (Devul Wears Prada), მოგვიანებით წიგნის მიხედვით, იგივე სახელწოდების ფილმი გადაიღეს, სადაც მერილ სტრიპი – მირანდა პრისტლის როლში, ჟურნალის მთავარი რედაქტორია, ფართოდ გავრცელებული ხმებით გმირი დაფუძვნებულია ვინტურის ხასიათზე. 2009 წელს გამოვიდა მეორე ფილმი, დოკუმენტური ხასიათის –  “სექტემბრის გამოშვება”(September Issue), კატლერის (R.J. Cutler) მიერ გადაღებული.

   Lauren Waisberger 

სამივე ადამიანი, რომლის შესახებაც მე დავწერე, დიდ როლს თამაშობენ არა მარტო მსოფლიო მოდის ჩამოყალიბებაში, არამედ სტიმულს მაძლევენ მეც, დელო რუსო – გახსნილი ხასიათით, სამოსის მიმართ მანიაკალური სიყვარულით და უსაზღვრო კრეატიულობით, პიაჯი – ექსტრავაგანტული სტილით, ვინტური კი – მტკიცე ხასიათით , რომლის წინაშეც წამყვანი დიზაინერებიც ნერვიულობენ. ვისურვებდი, რომ ამ სამი ადამიანის პიროვნული ნაწილი მეც შევმატო ჩემს ხასიათს.

Share on FacebookTweet about this on TwitterShare on Google+Pin on PinterestEmail this to someone

Herve Leger

ალბათ ბევრს შეგიმჩნევიათ, წითელ ხალიჩაზე თავმომწონე და საკუთარ თავში დარწმუნებული ვარსკვლავები, რომელთაც კაბა აცვიათ, კაბა რომელშიც, სრული უფლება აქვთ ასე გრძნობდნენ თავს.  იგი, Herve Leger-ს ეკუთვნის.

Herve Leger  დაარსებულ იქნა 1985 წელს, მას შემდეგ რაც ლიჟეს გვარის ტარების უფლება დაკარგა,  დღევანდელი დღით ცნობილ  Hervé L. Leroux-ის მიერ.

ლერუ პირველ ადამიანად ითვლება, ვინც შექმნა  “body-con (body-conscious)” კაბა, ისეთი მასალისაგან, რომელიც ტანზე ერგება და მის კორექტირებას ახდენს. ამიტომ მის კაბაში უამრავი ვარსკვლევი იწონებს თავს მიმზიდველი სხეულით.

1998 წლის სექტემბერში, Herve Leger ჯგუფი Seagram -იდან, შეძენილ იქნა BCBG Max Azria-ს ჯგუფის მიერ. ეს ისტორიაში პირველი შენაძენი იყო ამერიკის დიზაინერის მიერ- ფრენგული  couturier-ის.  Ohana & Co, საინვესტიციო ფირმამ კი  Seagram-ის გაყიდვა ურჩია.

2007 წლის აპრილში, Max Azria-მ განაახლა Herve Leger-ის ბრენდი, დიზაინის საკუთარი მიმართულებით ზაფხულის კოლექციით, რომელიც შემდგომში წარდგენილ იქნა რჩეულ სავაჭრო ცენტრებსა და სპეციალიზირებულ ბუტიკებში. ამავე წლის აგვისტოში, Herve Leger-ის  ბუტიკი გაიხსნა როდეო დრავიზე- ბევერლი ჰილზში. 2008 წლის თებერვალში,
Max Azria-მ წარმოადგინა კოლექცია, Herve Leger – Max Azria-საგან Bryant პარკში – შემოდგომა 2008 ნიუ იორკის მოდის კვირეულზე.

 

Share on FacebookTweet about this on TwitterShare on Google+Pin on PinterestEmail this to someone

20 Years – Red Soles

როდესაც ვფიქრობ ფეხსაცმელზე, არ შეიძლება პირველი აზრად Christian Louboutin-ის წითელლანჩიანი ფეხსაცმელი არ მოვიდეს, დახვეწილი ფორმები, ელეგანტურობა, თუნდაც ყველაზე უხეში გარეგნობის ფეხსაცმელში და საოცარი მიმზიდველობა…

20 წელი ფეხსაცმლის ბიზნესში, ამ იუბილეს აღსანიშნავად ლუბუტენი Barney’s-თან ითანამშრომლებს. ლუბუტენმა ექსკლუზიურად Barne’s-თვის შექმნა 20 წყვილი ფეხსაცმელი. 12 ოქტომბრიდან მოყოლებული, ყოველ დღე Barney’s საიტზე ნაჩვენები იქნება თითო დეტალი, მთლიანად კოლექცია კი 1 ნოემბერს დაიდება. რაც, დამეთანხმებით და დამაინტრიგებელია.

ასევე დამზადდა საიუბილეო წიგნი Louboutin, რეჟისორ დევიდ ლინჩის,  ფოტოგრაფ ფილიპ გარსიას და ასევე ჯონ მალკოვიჩის მონაწილეობით, რომლის შეძენაც ონლაინითაც იქნება შესაძლებელი.

მე კი ჩემი მხრივ მინდა მივულოცო ამ საოცრებების შემქმნელს იუბილე :)

Share on FacebookTweet about this on TwitterShare on Google+Pin on PinterestEmail this to someone